Honda RC211V

Honda RC211V

Pabrik	Honda Racing Corporation
Produksi	2002–2006
Nu miheulaan	Honda NSR500
Gantina	Honda RC212V
Mesin	990 cc (60.4 cu in) 4-léngkah V5
Pakait jeung	Honda CBR600RR Honda CBR1000RR

Honda RC211V nyaéta motor balap opat-léngkah ti HRC (Honda Racing Corporation) nu dimekarkeun dina taun 2001 pikeun ngaganti Honda NSR500 mesin dua-léngkah ku sabab tetekon pikeun balap motor Kajuaraan Dunya kelas 500 cc (30,5 cu in) dirobah pikeun usum 2002.^[1]

Tetekon balap robah nyaéta mesin dua-léngkah nepi ka 500 cc (30,5 cu in) sarta 4 séher, tapi mesin opat-léngkah diidinan mekar nepi ka 990 cc (60 cu in) sarta lobana séher ti 3 nepikeun ka 6.^[1] Ngaran kelas dirobah jadi MotoGP, sarta diwates ngan ukur prototip wungkul.^[1]

Pikeun taun mimiti MotoGP, Honda ngamimitian kalayan RC211V mesin 4-léngkah, 990cc V-5.^[2]Kalayan konfigurasi tilu séher di hareup sarta dua séher di tukang, kalayan sudut 75,5 darajat, ngurangan geteran sarta ngaleungitkeun pangabutuh panyaimbang sakunder nu ngalantarankeun mesin karasa hampang.^[2] Konfigurasi V-5 mangrupa konfigurasi mimiti dina sajarah balapan.^[2] Dina usum ieu, motor anyar nu leuwih badag bisa mapakan mesin 2-léngkah 500cc, RC211V bener-bener pinunjul di lapangan, ngahontal 14 tina 16 balapan pikeun meunang gelar purah balap sarta konstruktor pikeun Honda.^[2]

Ngaran modél dumasar kana :^[3]

• RC = Awalan balap tradisional Honda pikeun motor 4-léngkah.^[3]
• 211 = Motor karya mimiti dina abad ka-21.^[3]
• V = Mesin V^[3]

Taun 2007 RC211V diganti ku RC212V.^[2]

1. ↑ ^{a b c} "Honda RC211V". motorcyclespecs.co.za. Diakses tanggal 13 Juni 2017.  Archived 2017-03-30 di Wayback Machine
2. ↑ ^{a b c d e} "RC211V Evolution". world.honda.com. Diakses tanggal 13 Juni 2017. 
3. ↑ ^{a b c d} "We Ride Honda's RC211V GP bike!". Motorcyclist. Diakses tanggal 2007-02-01.